Chegou o día de voltar as nosas casas. Sen dúbida foi unha experiencia marabillosa que será difícil de olvidar.
Gustaríanos agradecer a acollida por parte das escolas de Nivala, coas que compartimos a experiencia #erasmus+, ao profesorado, alumnado e familias.
Ata a próxima mobilidade!
.png)
 |
| Gran recibimento no aeroporto. |
Chegou o momento da despedida. Despois de varios días de convivencia e inmersión lingüística, temos que voltar a Helsinki.
A mañá de hoxe foi de baile, música e FESTA. Tamén tivemos tempo para ensinarlle, ao alumnado de Nivala, xogos populares e facerlle pequenas entrevistas.
.png)
Collimos o tren con destino Helsinki. Cando chegamos atopámonos coa sorpresa de que xa estaba a árbore de nadal na Praza do Senado.
Hoxe foi un día de convivencia entre as dúas escolas que estamos a visitar en Finlandia.
O día amenceu un pouco máis frío e a neve caía, o que para nós era moito. O alumnado e profesorado de Nivala non pensaban o mesmo.
Primeiro, visitamos un Museo donde observamos como eran no pasado as casas finesas, aquí fixemos un xogo para atopar diversos obxectos que utilizaban no día a día.
Tamén visitamos a igrexa de Nivala e quedamos asombrados co fermoso órgano.
Por último, visitamos o Museo do Presidente de Finlandia, alí deixamos constancia da nosa visita coas nosas firmas.
Chegou o momento de coller as zorras e volver para as casas.
Segundo día nas escolas de Nivala. O día de hoxe tampouco tivo desperdicio.
O alumnado ocupou a mañá levando a cabo diferentes actividades.
Seguimos coas presentacións das escolas e das festas típicas, o alumnado realizou chaveiros con luz no taller da escola e cociñamos dous postres típicos; gingerbread e christmas tart. Os postres estaban deliciosos e coñecemos moito máis sobre as tradicións e festas de Finlandia.
A media mañá comimos albóndigas e en cada descanso non paramos de xogar coa neve, tamén tivemos tempo para xogar a algún xogo de mesa.
Cando remataron as clases, fomos para as casas das familias de acollida e desfrutamos da tarde e de Nivala na súa compañía.
Hoxe foi o primeiro día nas escolas Aittola e Karvoskylän.
Para coñecernos un pouco máis fixemos algún xogo de presentación e tamén presentamos os nosos respectivos pobos, colexios e festas tradicionais. Por suposto, tivemos tempo para xogar e gozar da neve.
Nos montes é habitual atopar espazos para facer barbacoas e desfrutar en compañía, pois no noso primeiro día sorprendéronnos e cociñamos "sausages and marshmallows" ao carón do lume.
Levantámonos, almorzamos e deixamos as maletas preparadas. A continuación visitamos o Museo da Cidade de Helsinki. O Museo da Cidade de Helnsiki está situado na Praza do Senado e trata de amosar a través de obxectos e imaxes a vida cotía dos habitantes de Helsinki.
Aproveitamos ben a mañá, antes de coller o tren con destino NIVALA.
Dende as dúas da tarde ata as nove da noite, estivemos no tren de camiño ao noso destino #erasmusplus.
Chegamos e agardábannos as familias de acollida e... MOITA NEVE (ou eso nos pareceu a nós).
Despois dunha longa viaxe, chegamos a Helsinki ás 23:00. Estábamos agotados/as.
Hoxe, venres, foi o noso primeiro día coñecendo Finladia. Por iso, a pesar de que nos acompañou a choiva, decidimos realizar un tour pola cidade. Visitamos os lugares máis emblemáticos e rematamos probando algún plato típico, como a carne de reno.
Ah, xa probamos a sauna. Sabíades que a palabra sauna ven do finés?
 |
Iniciamos unha nova mobilidade dentro do programa #Erasmusplus.
As mestras Inés e Fátima volven a Finladia; pero nesta ocasión acompañando ao alumnado.
Seis nenas e catro nenos de sexto de primaria, coñecerán como funcionan dous centros educativos de Nivala.
Polo de agora, poñemos rumbo dende o aeroporto Rosalía de Castro (Santiago de Compostela) ao aeroporto de Helsinki-Vantaa, cunha escala na capital de Reino Unido.
Que ganas temos de chegar!
Non podíamos deixar Italia sen visitar Roma. Remata a viaxe do Erasmus, unha gran experiencia que nunca olvidaremos.
Na asemblea de hoxe tocou contar ao alumnado a visita a Finlandia e moitas aportacións para poñerse a traballar para ter o cole que queremos.
Antes de marchar do centro, a mestra Maribel tiña pedido o programa Piale. Á volta, pasou polo colexo para contarnos o aprendido na súa estancia. Moitas grazas, Maribel, por compartir con nós tan valiosas aprendizaxes.
