Despedida

Finalizamos a nosa semana en Estonia facendo un xogo de localización no centro da cidade de Pärnu. Antes de marchar, despedímonos facendo unha foto de grupo que quedará noso recordo.

Día na Aida Schoolhouse

Pasamos o xoves na escola. Comezamos a mañá acudindo a clase de xeografía e estonio (descubrimos que é un idioma moi difícil para nós). Seguimos traballando no Proxecto Festa, compartindo os traballos que cada escola desenvolvera ao longo do curso para presentarlles as festas típicas aos socios. Descubrimos que algunhas son similares. Xantamos na cantina do centro.

Pola tarde, fixemos un obradoiro de máscaras e aprendemos un xogo popular estonio.

Día en Aide Schoolhouse e Visita ao centro cidade de Pärnu

Pola mañá acudimos á Aide Schoolhouse onde fixemos xogos para coñecernos máis. Despois presentamos as notas escolas e explicamos como se traballa nelas. Fixemos o xantar na cantina do centro compartindo co resto do alumnado.

Pola tarde o alumnado estonio guiounos polo centro da cidade, parándonos nos monumentos máis relevantes. A nosa visita rematou na Red Tower.

Visita a Seljametsa Museum

Hoxe visitamos o museo de cultura e historia tradicional estonia. Primeiro explicáronnos en que consistía unha festa tradicional estonia: Paastumaarjapäev. Nesta festa as mulleres creaban bonecas de lá que logo queimaban para desfacerse da mala sorte mentres bailaban arredor dunha fogueira.

Cociñamos e degustamos un postre parecido ás nosas filloas, que era o que comían as mulleres no día da festa.

Tras a degustación visitamos a exposición do museo. Había dúas salas; unha tiña ferramentas e vestimentas dos homes, e na outra había utensilios de oficios tradicionalmente desenvolvidos polas mulleres e vestimentas que usaban as mulleres.

A continuación trasladámonos a unha granxa ecolóxica, Soomaa Rahvuspark, na que nos ensinar como traballan a pedra que logo usamos para facer uns chaveiros.

Despois do obradoiro, comemos comida tradicional estonia e, para rematar o día, fixemos sendeirismo polo parque natural onde se atopa a graxa.

Picnic na casa de Remi

 Tivemos a sorte de que familia de Remi nos acolleu no seu xardín. Levamos a cabo diversas actividades para romper o xeo empezar a coñecernos.

Ademáis disfrutamos do jacuzzi e da cama elástica.

Movilidade a Pärnu, Estonia

A última mobilidade do centro estase a facer en Pärnu, cidade costeira de Estonia moi coñecida por ser lugar de vacacións entre a población estonia.

Participamos dúas mestras, María L e María Q, xunto con 10 alumnos e alumnas do centro. A viaxe foi intensa xa que tivemos que ir en tres ata Madrid para coller un avión a Riga e, finalmente, chegamos a Pärmu en autobús.

As familias e as mestras do Pärnu Raeküla Kool estaban agardando por nós na estación de autobús para darnos a benvida.

Travel Itinerary for Latvia & Estonia

 Travel Itinerary for our mobility to Estonia.